四金花齊渡假

四朵金花聚首於機場酒店，展開兩日一夜的渡假之旅。樂欣表姐盡顯大姐姐的風範，之前抱住我坐巴士，去到酒店仲餵我食茶點。
第一時間換好泳衣，急不及待要係King sized的床上面做熱身運動。
落到水，大表姐就游左開去。蔚蔚初時要熟習一下，之後就開始踢水。樂宜亦好自在地玩，我仍然係樹熊住媽咪。
樂欣係大舅父的指導之下，一口氣游到幾米。之後，仲玩埋深水炸彈，樂此不疲。
蔚蔚未夠兩歲，之前已經係自己食飯，今次仲首次用筷子食米粉。我都要學堂家姐咁先得。

海馬公園

大如媽同小基子放假，帶我去海馬公園見識見識。當日天朗氣清，藍天白雲，實在是美好的一天。（不過，溫度就極高，要飲好多水先夠！）點解Ｄ彩色波波會吊係天上面？媽媽答：「陣間我地會搭果Ｄ吊車，翻山越嶺，去到另一邊玩。」爸爸搭散：「廿年前黎搭，同依家好似一模一樣。」有時Ｄ野真係新不如舊，依家東涌果Ｄ新野，連安全行使都未掂！睇完國寶安安和佳佳，走進時光隧道，去睇恐龍。假的恐龍無睇頭，同佢地的近親鱷魚又成舊木咁，最好睇都係游來游去的魚。﹣魚都係史前動物，更可以說是有脊椎動物的始祖。
媽咪唔好成日捉住我影相呀！我想睇下外面的風景。
依家可以坐定定，睇表演。
大家實以為我係好專心咁睇海豚表演，但我其實係望緊天空翱翔的麻鷹。這三個表演者當中，有一個係爸爸的大學師弟，大家估吓係邊個？（Tips: 身型同爸爸有Ｄ似(特別係個肚!）
爸爸印象中的海豚表演，除了高速游泳、跳躍、頂波之外，仲會同訓練員一齊游，將佢好似火箭咁頂出水，訓練員又會企係背上滑水。但係唔知係咪人道的關係，依家都無晒黎Ｄ，輕鬆跳幾下就完場，（不過一日都要表演三場）。咁！唔表演咪仲好，一來唔洗觀眾失望，二來又可以更人道囉！
朝十晚八，仲長過爸爸返工的時間。我終於都有Ｄ倦意，但都係玩埋摩天輪先。

飛揚與清心

飛揚哥哥好熱情，第二次去佢屋企玩，已經主動出擊。我當然保持一貫的含蓄，想錫我，無咁易！
第一次玩泥膠，唔知點玩。飛揚哥哥就教我點樣用Ｄ輔助工具，去整唔同的形狀。但係我學黎學去都只係用雙手。
一講到要落水，我就即刻好似貼身膏藥，死抱住媽媽唔放。飛揚哥哥抱住水泡，游來游去，自得其樂。

三眼小子

額頭多左一條眉，遲Ｄ會唔會生多隻眼呢？
其實，個條有成二吋長的係瘀痕。１０號朝早，我坐係張櫈仔度睇住媽咪煮飯仔，飲緊的水樽跌左落地下，自己諗住執返，點知失去平衡，成個頭就撞左係條雲石上，即時痛到喊，喊到失控，要媽咪用「迷魂奶」先至可以令我停止大喊。
雖然爸媽都好認同「唔撞唔大」的理論，但係今次真係撞得大左Ｄ。
由於今次的事態嚴重，爸媽將我和爺爺嬷嬷每星期見一次面的約會取消，免得被辭退父母一職。

香草園之旅

第一次到郊外用這個背架，第一次感受到夏天的炎熱，第一次看見嗡嗡蜜蜂，我和爸爸表現鎮定，媽媽雖然有點怕，但仍能拍下這張照片。
星期三，一號風球下，我們一家和休平日的Emma，在Rachel（正在放長假，將遠赴南美三個月的旅行家）的帶領下，到了南丫島香草園一遊。半個小時的步程，便到達海灘后的Herboland。園主馬上為我們送上涼透心的香草茶，我當然亦不甘示弱，要喝大杯水和食提子補充水份。之後，園主Gary（Rachel的朋友）帶我們到遊人禁地參觀，為我們介紹除了香草之外，還有園裡眾多的植物。
慢熱的我，在熟悉了環境之後，亦到處走走。走在這田間的凹凸地，我也如履平地。

十個月生日

八月四日是我的十個月生日。
二如媽（左二）為我度身訂造了一塊「針板」，爸媽在上面加上一粒車里子，馬上便成了一個美妙的生日蛋糕。我的第一口蛋糕，便獻給了它。不過，它的味道頗不俗。真正的生日蛋糕，要留待由大如媽主理。

昔日照

幾個月前，曾經努力練習飄色巡遊，但奈可我的年紀太細，頭髮太短，尚未修身，希望明年可以入選為大家表演。
這個造型如何？
特訓項目之海軍陸戰隊﹣ 逃出生天。

同叔叔玩

星期日，第一次上余溫之家，有好多人同我玩。
除了THEO叔叔抱得我好舒服，還有剛完成BB系學士課程的B叔叔，能操得一口流利的BB話，和我言談甚歡。食完晚飯，佢仲好似Henry哥哥咁，表演魔術俾我睇，簡值令我拍爛手掌。

Family Look

媽媽上網睇完人地的包頭，即刻試番一個，睇落都幾靚。之後，仲捉埋老豆，來一個包頭。
我見到爸爸媽媽都試過，當然係唔好執輸。
你睇下我幾得戚！

病完。多左兩隻門牙

老人家成日都話，出牙仔時，就會發燒。我發完燒之後，兩隻門牙仔，就「標」左出黎。
媽媽說：「清心的門牙有成幾mm的隙，Ｄ朋友仔見到實會笑佢，不如同佢Cool牙！」爸爸回答：「咁細個就Cool，咪俾人笑得仲犀利！」

背架

爸爸在我生病之前買了個背架，本來想帶我到郊外走走，但天氣又差，唯有在我病好之後，帶我到APM試用。
坐係個架度，一來好舒服，二來又可以望到好到野。