埋位。

近兩日，我能夠坐得穏定了不少，今天，終於可以和一家人一起食晚餐。
但係由於事先未有預備任何適合我的食物，媽媽特別給了我一小滴的清湯，即使如此，我亦吃過不亦樂乎。

企著沖

爸媽怎樣也想不到，我這個才四個多月的小鬼，一直以來都很喜歡洗白白，但數天前卻連續在沖涼時哭叫不停，媽媽後來終於找出原因：因為現在的我喜歡站著沖涼
爸媽期待著夏天的來臨。想像的場景﹣「矮小的清心和爸媽站在花洒下沖涼。」

大埔滘

爸爸媽媽帶我到大埔滘，鳥兒我是看不見，但可聽得清。清新空氣，翠綠葉兒，有趣石頭，使我樂透半天。我們一家更在這裡碰上很多的朋友，不是爸爸的鳥友，便是熱愛自然的朋友。

卡爾．威特的教育一書提到：「接觸大自然能使孩子的心地高尚，自古以來和大自然感情融洽的人都是心地善良寛厚的人。」

。腳撐撐。

以前，我的右手成日都好鐘意同左手一齊玩，今日，佢地好似多左兩個新朋友，叫做左腳和右腳。
左右腳好多時都唔見踪影，唔係面向地下，就係背向住我，所以，我一直都無留意到佢地。
依家，我好鐘意撐直雙腳，等佢地可以貼住爸爸的肚腩，或者媽媽的背脊。

National Geographic

你地一定以為爸爸同我一齊睇 National Geographic，係想為我的英文打好基楚，其實，佢自己都唔識Ｄ雞腸，見到Wolf個字，又同我講係狐狸，真係有Ｄ誤導。
不過，可以睇下Ｄ咁靚的相片，都幾好呀！

短腳駿馬

飛揚：「清心，你隻駿馬好靚喎！可以俾我坐一下嗎？」
清心：「我都想借俾你呀，但係我隻腳唔夠長，落唔返黎。」

免利是

大家可能以為我收了很多利是，錯！媽媽對利是有以下的見解：
我們不派"利是（紅封包∕紅紙）"是因為信仰的原故。從前不明白，今天有看見，就照信心而行。紅紙的來源，是有迷信的意思。所以不派也不收。不過禮物和金錢是可以的。

交際花

剛過去的農暦新年，爸爸媽媽帶我到處去，令我雀躍萬分，每個地方都像探險歷奇一樣，所以我會盡量保持清醒，有時連坐車都看著窗外走馬燈般的景物。
每次和很多人見面，他們都很喜歡逗我玩，而我亦覺得他們總是圍著我、抱我、跟我說話，非常有趣。有個星期天，爸媽都不在家，由代媽媽餵奶，我不肯飲，哭叫不停，後來有親友來拜年，我笑著和他們玩，婆婆說我可以做交際花。

滑滑樂

我坐都未坐得定，爸爸媽媽已急不及待，帶我到樓下公園玩滑梯，玩樂又真係幾好玩架！
未學行，先學走。 未學坐，先學滑！